من المتوقع أن يواصل سعر الذهب ارتفاعه القياسي في النصف الثاني من العام، بعد ارتفاعه بأكثر من 15% حتى الآن. و توقعات أسعار الذهب للسنوات الخمس القادمة تظهر في الصورة التالية عبر موقع مصر-24 في هذه المقالة نلقي نظرة على بعض أحدث تحليلات الذهب وتوقعات أسعار الذهب لعام 2024 وما بعده من البنوك وكبار خبراء الصناعة؟
الدهب طالع في العالي ولسه هيطلع.. ليه المعدن الاصفر خرج عن السيطرة وليه الاسواق الدولية مضطربة ومستنية إيه وإيه كمان اللي هيحصل مخلي التوقعات مخيفة في سوق الدهب وإيه حكاية التقرير اللي نشر الرعب في الصاغة..
اقرأ ايضا : قلق الاصفر.. اسعار الذهب اليوم الاثنين 24 يونيو 2024
اللي بيحصل في الدهب اليومين دول رغم إنه كان متوقع وفيه تقارير بتقول ده وبتتنبأ باللي هيحصل لكن التوقعات مكنتش متخيلة إن الدهب ممكن يخرج عن السيطرة أكتر من كده.. وإن الاسعار العالمية هتيزيد بشكل مكنش في الحسبان وده اللي سبب ربكة في الاسواق في الايام اللي فاتت .
من ساعات ظهرت تقرير مهم جدا بوضح إن أسعار الدهب ارتفعت بنسبة 15.6 % ، والفضة زادت بنسبة 30%، من بداية السنة يعني في خلال 6 شهور بس ولو زاد بنفس الوتيرة في بقية السنة يعني بنتكلم في زيادة 30 في المية وده كمان في الطبيعي وبعيد عن اللي ممكن يحصل في سوق الدهب العالمي واللي مستني قرار الفدرالي الامريكي عن سعر الفايدة واللي لو حصل وخفضها يبقي الدهب هيروح في حتة تانية وده هيكون ليه تأثير كبير في الصاغة المصرية والأسعار هتزيد بشكل جنوني واحتمال سعر عيار 21 هيعدي الـ5 الاف جنيه .
واليوم وصل سعر الدهب عيار 21 وصل 3225 جنيه وسعر الأوقية عالميا زادت 10 دولار مرة واحدة وسجلت 2382 دولارً وده كله قبل قرار الفدرالي واللي لو حفض الفايدة السعر ممكن يوصل 3 الاف دولار بسبب الاقبال الكبير اللي هيكون على الدهب ساعتها
ولأن مشتريات البنوك المركزية من أهم الأسباب في ارتفاع أسعار المعدن الاصفر هنلاقي تقرير مجلس الذهب العالمي بيقول إن البنوك المركزية أضافت 1037 طن من الدهب في سنة 2023، بعد ارتفاع قياسي بلغ 1082 طن في 2022 والأخطر بقي إن تقرير ومسح عن احتياطيات الدهب للبنوك المركزية لسنة 2024، توقع إن 29 في المية من البنوك المركزية ناوية تزود احتياطيات الدهب عندها في الـ12 شهر اللي جايين يعني هيكون فيه حالة طلب زيادة على المعدن النفيس وده هياخدنا لارتفاع سعره وفيه حاجة كمان سببت ارتفاع الاسعار وهي إن صناديق الاستثمار المتداولة العالمية شهدت تدفقات لمدة شهرين متتاليين مدفوعة بشكل خاص بالشراء الأوروبي والآسيوي،وده شجع المستثمرين على شراء الدهب للحفاظ على القيمة.. في النهاية الدهب في الطالع مش نازل وإن الشهور اللي فاضلة والسنة اللي جاية هتكون هي سنة الدهب.
اقرأ ايضا : مفاجأة جديدة في سعر الذهب اليوم الإثنين 15 يوليو 2024