على مستوى العالم ومع التطور التكنولوجي، بقت عملية شراء الذهب وحفظه أسهل من أي وقت فات، وشراء الذهب واحد من الطرق اللي كتير بيختاروها عشان يحموا فلوسهم من تأثير التضخم واضطرابات الاقتصاد. وكمان بيضيف تنوع لمحفظتهم الاستثمارية، وده بيقلل المخاطر بشكل عام.

سعر سبيكة الذهب 5 جرام في مصر يتجاوز 25 ألف جنيه بالمصنعية

العوامل التي تتحكم في أسعار الذهب

– قرارات البنوك المركزية المرتبطة بالفائدة والتضخم، لأن لما الفائدة تقل والتضخم يزيد، الذهب بيبقى أغلى.

– أسعار العملات، يعني لو الدولار ضعيف، سعر الذهب بيزيد، ولو قوي، سعره بينخفض.

– العرض والطلب على الذهب نفسه. ومع زيادة صعوبة استخراجه مع الوقت، ده بيخلي أسعاره ترتفع على المدى الطويل.

– حالة عدم الاستقرار الاقتصادي كمان بتأثر، لأن الذهب بيعتبر ملاذ آمن وقت الأزمات.

العوامل دي كلها بتأثر على الناس اللي بتفكر تشتري أو تبيع مجوهرات أو سبائك ذهبية أو صناديق استثمار مرتبطة بالمعادن الثمينة.

أهمية الذهب في الاستثمار والادخار

1-  الاستثمار في الذهب مش هدفه تحقيق أرباح سريعة، لكن على المدى الطويل، الأرقام بتقول إنه بيحقق عائد ثابت ومستقر، خصوصًا في أوقات الأزمات.

2- الذهب عليه طلب دايم، سواء في صناعة المجوهرات، أو في الصناعات التكنولوجية، أو حتى كاحتياطي نقدي للبنوك المركزية. وده بيضمن إنه سعره يفضل مستقر أو بيزيد.

3- مقارنة بالأسهم والعملات الرقمية، الذهب بيتميز إنه أقل تقلب، وده بيخليه استثمار آمن للناس اللي مش بتحب المخاطرة وبتبحث عن استثمارات آمنه .

4- سهولة التحويل لكاش: ميزة الذهب إنه سهل البيع والتداول. يعني لو احتجت فلوس بشكل سريع، هتقدر تبيع الذهب بسهولة جدًا من غير ما تحتاج تدخل في إجراءات معقدة زي الأصول التانية.

الاستثمار في الذهب مقابل الاستثمار في الأصول المختلفة

رغم إن الذهب من الأصول الفريدة اللي بتتميز بمرونتها وثباتها عبر السنين، إلا إن أي مستثمر خصوصاً لو كان لسه بيبدأ رحلته الاستثمارية، محتاج يعرف الفرق بين الذهب وبعض الأصول التانية؛ عشان يحدد الاختيار المناسب:

– العقارات بتحتاج لرأس مال كبير عشان تستثمر فيها، غير كده البيع والشراء فيها مش سهل زي الذهب، اللي تقدر تشتريه بكميات صغيرة أو كبيرة وتبيعه بسهولة.

– الاستثمار في الأسهم فيه مخاطرة أعلى بكتير من الذهب. لو السوق انهار، قيمة الأسهم ممكن تروح، بس الذهب غالبًا قيمته بتزيد خاصةً في أوقات الأزمات.

– رغم إن شراء العملات الرقمية زي البيتكوين أصبح شائع جدًا، إلا إن مشكلتها إنها متقلبة بشكل كبير. وده على عكس الذهب اللي بيتمتع باستقرار وثقة كبيرة في العالم كله.

– السندات بتعتبر استثمار آمن بس المشكلة إن عائدها بيكون قليل. أما الذهب، رغم إنه ممكن يكون استثماره مُكلف أكتر، إلا إنه بيقدم حماية في وقت التقلبات وعائد أعلى.